निकुञ्जको अध्यक्षमा पुनः सोनामग्याल्जेन शेर्पा सर्वसम्मत

विश्वको सबैभन्दा अग्लो स्थानमा रहेको सगरमाथा राष्ट्रिय निकुञ्ज मध्यवर्ती क्षेत्र व्यवस्थापन समितिको अध्यक्षमा सोनामग्याल्जेन शेर्पा पुनः निर्वाचित भएका छन् । हिमाली क्षेत्रको वातावरणीय पर्यावरण संरक्षणमा महत्वपूर्ण योगदान गरेकाले शेर्पालाई पुनः अध्यक्षमा सर्वसम्मत निर्वाचित गरिएको हो । सगरमाथा राष्ट्रिय निकुञ्जको कार्यालय नाम्चेमा भएको कार्यक्रममा अध्यक्ष शेर्पा सहित सदस्यहरुमा छिमीछिरिङ शेर्पा, ल्हाक्पागेल्जेन शेर्पा र सदस्य सचिवमा प्रमोद भट्टराईलाई सर्वसम्मत चयन गरिएको जनाएको छ । करिब ८८४८ मि फैलिएको सगरमाथ राष्ट्रिय निकुञ्जभित्र विश्वको सर्वोच्च शिखर सगरमाथा, ल्होत्से, नुप्से, चोयू, ल्होत्सेसार, पुमोरी, आमादब्लम, थामसेर्कु लागयतका हिमचुचुराहरू समेटिएको छ । त्यस्तै स्थानीय बासिन्दा र पर्वतारोहीहरूले प्रयोग गर्दै आएका गोक्यो, खुम्बु, छुकुम र नाङ्गपा मुख्य चारवटा उपत्यकाहरू छन् । यस निकुञ्ज भित्रको गोक्यो र सम्वद्ध तालहरूलाई सन २००७ मा रामसार सूचीमा समावेश गरिएको छ । यहाँका तेङ्वोचे, पाङ्वोचे तथा थामे गुम्बाहरूमा बौद्ध धर्मको शिक्षा–दीक्षा प्रदान गर्ने महत्त्वपूर्ण स्थानले सगरमाथा राष्ट्रिय निकुञ्ज सांस्कृतिक महत्वको रुपमा लिने गरिन्छ । मुख्यतः सगरमाथा हिमाल र यस क्षेत्रको मनोरम दृश्य हेर्न, पर्वतारोहण गर्न, शेर्पा संस्कृति तथा वन्यजन्तु अवलाकेन गर्न वर्षेनी हजारौं पयर्टकहरू यहाँ आउने गर्दछन । सन् १९७९ देखि यस राष्ट्रिय निकुञ्जलाई विश्व सम्पदा सूचीमा समावेश गरिएको छ भने मध्यवर्ती क्षेत्रको घोषणाबाट निकुञ्जभित्र र वरपरका तीन वडाका जनता प्रत्यक्ष रूपमा लाभान्वित भएका छन् । पर्यटनको विकासबाट यहाँका बासिन्दाहरूको आर्थिक विकासमा ठूलो टेवा पुगेको छ

from Sherpa media Group Nepal https://ift.tt/2OVm8cn