पोर्तुगलको एनआरएन अल्गार्भ कार्यसमिति सदस्य अधिकारीले दिए राजिनामा

मनोज भट्टराई
१६ अप्रिल/लिस्बन – पोर्तुगलका एनआरएन क्षेत्रीय अल्गार्भ कार्यसमिति सदस्य कृष्णप्रसाद अधिकारीले राजिनामा दिएका छन ।
विश्वमा अहिले कोरोनाको महामारी फैलिएको बेला पोर्तुगलमा रहेका नेपालीलाई राहत दिन भनेर समिति र उप–समितिहरु बनेर काम सुरु गरेकै बेला अधिकारीले फेसबुक मार्फत राजिनामा लेखेका हुन ।
अल्गार्भ क्षेत्रका अध्यक्ष अनिल शर्माले राहत वितरण गर्ने कामको प्रचारबाजी गरिनुपर्ने जिकिर फेसबुक म्यासेन्जरको च्याट ग्रुपमा गरेपछि सदस्य अधिकारीले यसको बिरोध गरेका थिए । नैतिकताका आधारमा सङगठनमा रहेर काम गर्न नसकिने ठहर गर्दै राजिनामा दिएको उल्लेख गरेका छन । हेर्नुहोस राजिनामाको पुर्ण पाठ ः

मिति :- २०२०/०४/१६

श्री ,
गैर -आवाशीय नेपाली संघ ,
क्षेत्रीय समन्वय परिषद अल्गार्भ ।

बिषय :- राजिनामा सम्बन्धमा ।

उपरोक्त सम्बन्धमा म यस गैर-आवाशीय नेपाली संघ क्षेत्रिय समन्वय परिषद अल्गार्भ कार्यसमिति सदस्यमा रहेको यहाँहरुलाई जानकारी भएकै हो ।

कोरोना भाइरसको महामारीका कारणले यति बेला विश्व प्रभावित छ । यसै सन्दर्भमा पोर्तुगलमा रहेका विभिन्न संघ-सस्थाले अथवा व्यक्तिगत तवरले सहयोग गरिरहेका छन् । त्यसै गरि हाम्रो यस संस्थाले अल्गार्भ क्षेत्रमा गरेको सहयोग र राहत वितरण जनमानसमा सर्वबिधितै छ ।
तर पनि यो अवस्थामा राहत लिने र दिने कार्य दिल देखि हुनुपर्छ। तर सामाजिक संजाल वा कुनै समाचार संस्थामा प्रचारात्मक शैलीमा हुनुहुदैन भन्ने मेरो बिचार र सिद्धान्त हो र रहिरहनेछ ।
यहि बिसयमा प्रचारात्मक नबनौं कार्यसमितिमा
रहेर पछि नेतृत्वले गरेका सबै कामलाई सहि छाप गर्न मेरो नैतिकताले मलाई दिँदैन ।
जो जसले गरेपनि सहि र गलत कार्य छुट्याएर समर्थन सहयोग ,बिरोध गर्न पाउनुपर्छ भन्ने कुरामा म सदैब अडिक छु र रहिरहनेछु ।
तर यी नै बिषयमा नेतृत्व सम्हाली रहनुभएका अध्यक्ष ज्युसंग छलफल गर्दा उहाँले ठिक माथि उलेखित नैतिकता ,आदर्श र सिद्धान्त कुरामा असमत हुनुभएकोले आजका मिति देखि उहाँसंग सांगठनिक हिसाबले कुनै पनि संस्थामा रहेर सहकार्य गर्न नसकिने बेहोरा जानकारी गराउनु चाहान्छु ।

साथै म संस्था भन्दा बाहिर भएपनि आफू बसेको समाज ,सम्पुर्ण नेपाली तथा मानविय सहयोगका लागी सदैब अग्रसर रहने जानकारी गराउँदछु ।

अन्त्यमा :- मलाई कार्यसमितिमा रहनुपर्छ भनेर विश्वास गरि प्रतिनिधिका रुपमा पठाउनु हुने सम्पूर्ण मोंते गोर्दो बासी तथा अल्गार्भ बासी नेपाली समुदायमा हार्दिक धन्यवाद दिन चाहान्छु ।

कृष्ण प्रसाद अधिकारी
कार्यसमिति सदस्य
गैर आवाशीय नेपाली संघ,
क्षेत्रीय समन्वय परिषद अल्गार्भ ।

कोरोना राहत तथा जानकारी कोष का लागि युरो २१ दिने घोषणा समेत गर्दछु । संकलन समितिका साथिहरुले सम्पर्क गर्नुहोला ।

The post पोर्तुगलको एनआरएन अल्गार्भ कार्यसमिति सदस्य अधिकारीले दिए राजिनामा appeared first on .

from https://ift.tt/3bfzexb