नेपाल आदिवासी जनजाति महासंघ युएईको नियमित बैठक सम्पन्न

नेपाल आदिवासी जनजाति महासंघ युएईको नियमित बैठक आज ८/६/२०१८ का दिन संस्थाको अध्यक्ष पासाङ शेर्पाको अध्यक्षतामा वर दुबई स्थित नेपाली रेस्टुरेन्टमा सम्पन्न भएको छ ।

नेपाल आदिवासी जनजाति महासंघ युएईका संरक्षक डेरराज गुरुङ, तामाङ समाज युएईका अध्यक्ष महेश मोक्तान सहित सबै आवद्ध जातिय संस्थाहरुको प्रतिनिधिहरु उपस्थितमा सम्पन्न बैठकले २५६२ औ बुद्ध जयन्ति कार्यक्रमको समीक्षा र डा. महेन्द्र लावतीज्युसंग गरिएको अन्तरक्रिया कार्यक्रमको समीक्षा गर्दै, २४ औ अन्तरास्ट्रिय विश्व आदिवासी दिवस आगामी अगस्ट १० तारिख सदा झै भव्य रुपमा आयोजना गर्ने निर्णय समेत गर्दै उक्त कार्यक्रमको व्यवस्थापन लगायत आयोजनको जिम्मा नेपाल आदिवासी जनजाति महासंघ युएईको सचिवालयलाई दिएको छ ।

त्यसै गरि बैठकले युएईमा नेपाल आदिवासी जनजाति कलाकार संघ गठन गर्न नेपाल मगर संघ शाखा युएईका प्रतिनिधि भुवन थापमगरको संयोजकत्वमा तदर्थ समिती गठन गरेको छ भने लामो समय देखि प्रतिक्षारत रहेको नेपाल आदिवासी जनजाती प्रत्रकार महासंघ युएईको गठन प्रक्रिया समेत अघि बढाएको छ । दुईवटै भातृ संस्थाहरुको १० अगस्ट २०१८ मा हुने २३ औ अन्तरास्ट्रिय विश्व आदिवासी दिवस कार्यक्रममा घोषणा गरिने समेत निर्णय भएको छ । बैठकले महासंघको पुर्व अध्यक्ष तथा सल्लाहकार भुवन राइले युएईमा आफ्नो बसाईलाई पुर्ण विराम लगाइ नेपाल प्रस्थान गर्नु भै रिक्त हुन आएको सल्लाहकार पदमा नेवा पुच: युएईका पुर्व अध्यक्ष तथा नेफिन युएईकै पुर्व प्रवक्ता प्रमोद श्रेष्ठलाई सर्वसम्मतले मनोनीत समेत गरेको छ ।

from Online Nepali News, Himali News, Himali sandesh, Live News, Video, Online News https://ift.tt/2y0llUo