नेपाल तामाङ धेदुङकाे प्रदेश अधिवेशन सुरु

सुन्दरहरैंचा १० मा नेपाल तामाङ धेदुङ प्रदेश नं १ को दुई दिने प्रथम प्रदेश अधिवेशन सुरु भएको छ । अधिवेशन कार्यक्रमको उद्घघाटन प्रदेश नं. १ का मुख्यमन्त्री शेरधन राईले गरेका थिए । उनले जाती, भाषा र लिपिको मौलिक पहिचान महत्त्वपूर्ण भएकोले यसकाे उत्थानमा सबै लाग्नु पर्ने अावश्यकता भएको बताए । मुख्य मन्त्री राईले कुनै पनि जातीलाई होच्याउने गरी कानुन निर्माण गरिने छैन साथै सहमतिको आधारमा प्रदेशको नाम राखिने उल्लेख्य गरे । उनले भाषा, लिपि र संस्कृतिको जगेर्ना नभए नेपालको अस्तित्व पनि नरहने बताउँदै मौलिक पहिचानको संरक्षण गर्न सरकार लागि परेकाे स्पष्ट पारे ।

कार्यक्रममा प्रदेश नं १ सांसद राजकुमार ओझा, सुन्दर हरैचा नगरपालिकाका नगर प्रमुख शिवप्रसाद ढकाल, उपप्रमुख धनमाया तामाङकाे समेत सहभागिता थियाे । साथै नेपाल तामाङ धेदुङ संङघमा आवद्ध प्रदेश नं १ का विभिन्न व्यक्तित्वहरू , लगायत राजनीतिक दलका नेताहरुको पनि उपस्थिति रहेको थियो। कार्यक्रममा नेपाल तामाङ घेदुङ १ नं प्रदेश समितिका अध्यक्ष मित्रसेन योञ्जनको सभापतित्वमा भएको थियो। प्रदेश अधिवेशन नयाँ नेतृत्व चयन गर्दै बुधबार सम्पन्न हुनेछ ।

The post नेपाल तामाङ धेदुङकाे प्रदेश अधिवेशन सुरु appeared first on .

from https://ift.tt/2YZRF3k