शेर्पा संञ्चारले समुदायलाई लक्षित गरि समाचार लेखन तालिम आयोजन गर्दै

काठमाडौँ – शेर्पा संचार समुह नेपालले समाचार लेखनमा गुणस्तरीयता कायम गर्ने लक्ष्यका साथ शेर्पा युवाहरुलाई लक्षित गरी एक हप्ते आधारभूत समाचार लेखन (पत्रकारिता ) तालिम आयोजन गर्ने भएको छ । शेर्पा पत्रकारहरुको छाता संगठन शेर्पा संञ्चार समूह नेपालले तालिम आयोजना गर्न लागेको हो ।

२०७६ पौष २२ गतेदेखि हुने तालिममा शेर्पा युवाहरुलाई लक्ष्त गरि सो तालिम दिन लागिएको र पत्रकारितमा कार्यरत प्रशिक्षबाट तालिम दिने संयोजक डोल्मा शेर्पाले जानकारी दिनु भयो । राजधानीको बौद्धमा टुसालमा सञ्चालन हुने तालिममा पत्रकारिताको परिचय, समाचार लेखन विधि, फिचर लेखन, पर्यटन र अनलाईन पत्रकारिता विषय समेटिने जनाएको छ । तालिममा सहभागि हुन चहानेले शेर्पा संञ्चारको कार्यलयमा फारम भर्नुपर्ने प्रावधान राखिएको संस्थको महासचिब शेर्पाले जानकारी दिनु भयो ।

शेर्पा संञ्चार समूह नेपालले आफ्नो बार्षिक कार्यक्रम अन्तर्गत नियमित रुपमा तालिम, सचेतना र जागरण सम्वन्धी कार्यक्रमहरु आयोजना गर्दै आएका छन् । मूलधारको मिडियामा उपस्थिती बढाउन तालिमले भूमिका खेल्ने’ विश्वास लिएको महासचिब शेर्पाले बताउनु भयो ।

from Sherpa media Group Nepal https://ift.tt/35jut1A