हावाहुरीसगैको बर्षाले सोलुखुम्बुको मकैबारी सखाप, कृषक चिन्तित

हावाहुरीसगै आएको वर्षाले सोलुखुम्बुको मकै बारी सोत्तर बनाएको छ । यसरी पाक्नै लागेको मकैको बोट हावाहुरी सहितको पानीलेले ढालेपछी कृषक चिन्ति बनाएको छ ।

५ दिन देखिको बर्षा र हावा हुरीका कारण जिल्लाको अधिकाशं क्षेत्रको मकै बालीमा क्षति पुगेको छ । घोगा लाग्न लागेको मकैको बोट नै सखाप भए पछि भोगमगरीको अवस्था सृजना हुन सक्ने भन्दै कृषकले चिन्ता ब्यक्त गरेका छन् ।

जिल्लाको केरुङ, तामाखानी, गार्मा, तिङला,सोताङको नाम्लुङ,गोरा, टाप्टिङ,लिखुपिके लगायतका क्षेत्रका मकै बालीको बोट ढलेको छ । बर्षभरी खान पुग्ने गरी लगाएको मकै पाक्नै नपाई प्राकृतिक विपत्तीले सखाप परेको तामाखानीका कृषक मनिश रेग्मी मगरले जानकारी दिए । हावाहुरी र बर्षाले कृषकलाई ठुलो क्षति पु¥याएको अर्का कृषक अम्बर बहादुर विश्वकर्माले जानकारी दिनुभयो ।

केरुङ क्षेत्रको बारीको मकै ढलेर पुरै चौर जस्तै बनेको छ । जिल्लामा बर्षा र हुरी बतासले मकै बालीमा क्षति पुगेको भए पनि यकिन विबरण भने सकंलन भईनसेको कृषि ज्ञान केन्द्र सोलुखुम्बुका बागबानी विकास अधिकृत लक्ष्मण दासले जानकारी दिनुभयो ।
श्रोत, रेडियो सोलु

The post हावाहुरीसगैको बर्षाले सोलुखुम्बुको मकैबारी सखाप, कृषक चिन्तित appeared first on .

from https://ift.tt/2ltOLUU