गुडिरहेको टाटा सुमो माथि पहिरो खस्दा दुईको मृत्यु, आठ घाइते

त्रिशूली (नुवाकोट) : गल्छी-रसुवागढी सडकखण्डमा शनिबार गुडिरहेको गाडीमाथि पहिरो खस्दा दुई जनाको मृत्यु भएको छ। अन्य आठजना घाइते छन्। रसुवाबाट काठमाडौंका लागि छुटेको ना १ ज ७८२४ नम्बरको टाटासुमो रसुवागढी नाका नजिकै गोसाइँकुण्ड गाउँपालिका-२ को पहिरोमा पुरिएको हो।

पहिरोसँगै झरेको ढुंगाले टाटासुमो छोपिँदा सोलुम्बुका दावा शेर्पा र वाङ्छु शेर्पाको घटनास्थलमै मृत्यु भएको प्रमुख जिल्ला अधिकारी अर्जुन भण्डारीले जानकारी दिए। दुर्घटनामा सालुखुम्बु भकान्जे निवासी छोङवा शेर्पा गम्भीर घाइते भएका छन् ।उनीहरू सहित ५ जनाको अहिले धुन्चेमा उपचार भइरहेको छ।

चालकसहित अन्य सातजनाको स्थानीय स्वास्थ्य संस्थामा उपचार भइरहेको छ। टाटासुमोमा १० जना यात्रु सवार थिए । उनीहरु सबै सोलुखुम्बुको भएको खुलेको छ। प्रहरीले दुर्घटना भएको करिब दुई घण्टापछि मात्र उद्धार सम्पन्न गरेको थियो ।

The post गुडिरहेको टाटा सुमो माथि पहिरो खस्दा दुईको मृत्यु, आठ घाइते appeared first on .

from https://ift.tt/2Ybprpd