शेर्पा मेयरको पहलमा ५० किलोमिटर सडक कालोपत्रे हुने

सोलुदुधकुण्ड नगरपालिकाका क्षेत्रका ५० किलोमिटर सडक एसियाली विकास बैँक (एडिबि)को सहयोगमा कालोपत्रे हुने भएको छ ।

खुम्बुपासाङल्हमू गाउँपालिका जोड्ने फाप्लु देखि टाक्सिन्दुसम्मको ३० किलोमिटर र माप्य दुधकोशी गाउँपालिका जोड्ने वडा नं ४ स्थित सेर्गाखोप हुदै सेलगुढीसम्मको २० किलोमिटर ग्रामिण सडक कालोपत्रे गर्न एडिबि तयार भएको मेयर नाम्गेलजाङबु शेर्पाले बताए । शेर्पाले भने, ‘नगरको विकासलाई फोकस गर्दै पटक पटकको प्रस्तावलाई एडिबिले स्विकार गरेको छ । पक्कि सडक निर्माणले नगरबासीलाई राहत दिलाउनेमा विश्वस्त छु ।’

हिउँदमा धुलाम्मे र बर्खामा हिलाम्मे हुने उक्त सडक खण्डको स्तर उन्नती हुन नसक्दा सवारीचालक र यात्रुहरुले सास्ति खेप्दै आएका छन् । सोही समस्यालाई ध्यानमा राखी नगरपालिकाले सडक कालोपत्रेका लागि एडिबिलाई प्रस्ताव पेश गरेको थियो ।

परामर्शदाता छनौट गरी सर्भे र डिपिआर निर्माणको काम छिट्टै शुरु गर्ने मेयर शेर्पाले बताए ।

The post शेर्पा मेयरको पहलमा ५० किलोमिटर सडक कालोपत्रे हुने appeared first on .

from http://bit.ly/2Vvb9xu