बौद्ध तेमाल जात्रा शुरू

काठमाडौंको बौद्ध परिसरमा वर्षेनी जात्रा लाग्ने गरेकाे छ । बिहिबार बिहानै देखि बाैद्द परिसरमा जात्रालुकाे भिड लागेकाे छ । । बैसाख ५ गते तामाङहरूबौद्धमा भेला भइ चैत्र पूर्णेको अघिल्लो दिन दिवंगत पितृहरुको स्मरणमा बत्ती बाल्ने गर्छन् । यस जात्रालाई बौद्ध तेमाल जात्राको नामले पनि चिनिन्छ । भाेलि पूर्णिमाको दिन बालालु बाइसधारामा स्नान गरि स्वयम्भू महाचैत्यमा गई श्रद्धालु भक्तजनले पितृकोछ सम्झनामा बत्ती बाली सम्झने गर्छन् ।

जात्रा मूल व्यवस्थापन समितिले जनाए अनुसार बौद्धमा अघिल्लाे वर्ष भन्दा जात्रालुहरूकाे संख्या बढेकाे छ । जात्रा व्यवस्थापनमा बौद्धनाथ क्षेत्र विकास समिति, विभिन्न संघसंस्था, गुठी, स्थानीय क्लव लगायतले सघाएका छन्, बौद्धनाथका अध्यक्ष चन्द्रमान लामाले बताए ।

यो जात्रा तामाङ समुदायको धार्मिक एवम् सांस्कृतिक पहिचानको रुपमा रहेको जीवन्त पर्व हो । बौद्ध तामाङ कल्याण गुठीका अध्यक्ष खड्गजीत लामाले भने बौद्ध किवंंदन्तीमा उल्लेख भए अनुृसार सत्ययुगमा विपश्वी बुद्ध उपत्यकमा आई जामाचोमा साधनारत रहे । उनले चैत्र पूर्णिमाको दिन उपत्यकाको दहमा कमलको फूल रोपे, सोहि फूलमा स्वयम्भूको अलौकिक ज्योति उत्पन्न भयो । उनले थपे विपश्वी बुद्धले रोपेको कमलको फूलको स्मरणमा यो जात्रा प्रारम्भ भएको मानिन्छ ।

वर्षदिन पछि आफ्ना इस्टमित्रहरु जात्रामा भेटिने हुनाले सुखदुख साटासाट गर्ने थलोको रुपमा पनि यसलाई लिने गरिन्छ, काभ्रे ठूलेपर्सेलका दिलिप लामाले भने । टाढाटाढाबाट आउने जानेको लर्काे लाग्छ । हितैसी दौतरीहरुले भने फापरे गीत गाएर मनोरञ्जन लिने र दिने गर्छन् । यस जात्राको सांस्कृतिक तथा गीतसंगीतको जर्गेना गर्ने पक्षको रुपमा पनि ठूलो महत्व रहेको छ । त्यसैले हामी पनि आएका हाैं ।

ऐतिहासिक, धार्मिक एवं सांस्कृतिक महत्व बोकेको चैत्र पूर्णिमाको महत्वलाई जोगाई राख्न आवश्यक छ, सिन्धुपाल्चाेक पाखारबाट आएका पाका सदस्य प्रेमध्वज लामाले भने हामी त उहिले देखि नै पितृजनकाे सम्झनामा ङ्वाे गर्न आइ रहन्छाैं । भाेलि स्वयम्भू जान्छाैं । त्यहाँ पनि जात्रा लाग्छ ।

बौद्ध परिसरमा जात्राका लागि त्रिपालको व्यवस्था गरिएकाे छ । सफा माैसममा भक्तजनहरू बत्ती बाल्न र पूजा गर्न लाइनमा बसेका छन् । निशुल्क स्वास्थ्य शिविर तथा रक्तदानको साथै विभिन्न संघ संस्थाहरूले निशुल्क पिउने पानीको व्यवस्था गरेका छन् । बौद्धमा सुरु भएको जात्रा भाेलि स्वयम्भूमा समापन हुन्छ ।

The post बौद्ध तेमाल जात्रा शुरू appeared first on .

from http://bit.ly/2vbcFWY