हिमालयन शेर्पा साँस्कृतिक केन्द्रले लोसार गुथुक साँझ तथा बृहत साँस्कृतिक कार्यक्रम गर्दै

काठमाडौँ – हिमालयन शेर्पा साँस्कृतिक केन्द्रले नेपालको सम्पुर्ण महायान बौद्ध धर्मावलम्बीहरुको नयाँ वर्ष तथा राष्ट्रिय महान चाड स मो फाग् लो २१४६ औं ग्याल्पो लोसार तथा संस्थाको रजत जयन्तीको अवसरमा “लोसार गुथुक साँझ” आयोजना गर्ने भएको छ ।

शेर्पा भाषाको संरक्षण गर्ने उद्देश्यले २०४९ सालमा स्थापना भएको यस हिमालयन शेर्पा सांस्कृतिक केन्द्रले स्थापना कालदेखि शेर्पाहरूको भाषा, कला, सांस्कृतिलाई राष्ट्रिय तथा अन्तराष्ट्रिय क्षेत्रसम्म परिचित गराउने कार्यहरू गर्दै आइरहेको छ । यस बर्ष पनि साम्दे शेर्पा स्मृति वक्तृत्वकला प्रतियोगिता शेर्पा श्याब्रु नृत्य प्रतियोगिता वरिष्ठ हास्यव्यंग्य कलाकार साम्दे शेर्पा राष्ट्रिय पुरस्कार वितरण गर्ने कार्यक्रम तयारी सम्पन्न भएको महासचिब सेर्कु शेर्पाले जानकारी दिनुभयो । उक्त कार्यक्रम चुच्चेपाटी स्थित ह्यात चौरमा यही माघ २०, २१ र २२ गते हुने कार्यक्रम संयोजक आङ डोमा शेर्पाले जानकारी दिनुभयो ।

सबै जिल्लाका शेर्पाहरू बीचमा आपसी मैत्रीभाव कायम गर्ने र शेर्पा कला संस्कृतिको विविधतालाई एउटै थलोमा ल्याई प्रस्तुत गराउन यी कार्यक्रमहरु गर्न लागेको संयोजक शेपाले जानकारी गराउनुभयो ।

स्थापनाको २६ औ बर्षमा प्रवेश हँुदै गर्दा भाषा, संस्कृति, भेषभुषा र परम्परागत मुल्य र मान्यताहरू रक्षाको सवालमा कार्य गर्दै आइरहेको र बिशेषत शेर्पा युवापुस्ताबाट टाढिदै गईरहेको सस्कार सँस्कृतिलाई संरक्षण, सम्वद्र्धन गर्ने उद्देश्यले संस्थालाई अगाडि बढाई रहेको संस्थापक अध्यक्ष छिरिङ शेर्पाले जानकारी दिनुभयो ।

उहाँले विश्वका जुनसुकै देशमा रहेता पनि हाम्रो भाषा, संस्कृति, भेषभुषा र परम्परागत मुल्य र मान्यताहरू जोगाए मात्रै हाम्रो अस्तित्व र पहिचान जोगिने र त्यसपछि मात्र हामी आफैमा शेर्पा हुनुको सार्थकता पनि झल्किन्छ, हामी आफैमा नेपाली शेर्पा हुनुमा गर्व गर्छौ ।

विश्वका जुनसुकै देशमा रहेता पनि हाम्रो एकताको प्रतिविम्ब हाम्रो भाषा, संस्कृति, भेषभुषा र परम्परागत मुल्य र मान्यताहरू जोगाए मात्रै हाम्रो अस्तित्व र पहिचान जोगिने र त्यसपछि मात्र हामी आफैमा शेर्पा हुनुको सार्थकता पनि झल्किन्ने र हामी आफैमा नेपाली शेर्पा हुनुमा गर्व गर्न सकिने संस्थापक अध्यक्ष छिरिङ शेर्पाले बताउनुभयो ।

ग्याल्पो लोसार कार्यक्रम :

– २०७५ साल माघ २० गते लोसार गुथुक साँझ तथा बृहत साँस्कृतिक कार्यक्रम

– २०७५ साल माघ २१ गते साम्दे शेर्पा स्मृति वक्तृत्वकला तथा शेर्पा नृत्य श्याब्रु प्रतियोगिता, रक्तदान कार्यक्रम

– २०७५ माघ २२ गते साम्दे शेर्पा स्मृति राष्ट्रिय पुरस्कार तथा प्रतियोगिताको विजेताहरुलाई पुरस्कार वितरण, रजत यात्रा नामक ग्रन्थ बिमोचन साथै बृहत साँस्कृतिक कार्यक्रम तथा डिजे सेसन नेपालको पहिलो डिजे ः तेन्जिङ शेर्पाको साथमा प्रत्येक दिन साँस्कृतिक कार्यक्रम।

from Sherpa media Group Nepal http://bit.ly/2ThIeJ0