सोलुखुम्बुको लुक्लामा आगलागी हुँदा एक घर जलेर नष्ट

१४ माघ २०७५ सोलुखुम्बुको खुम्बु पासाङल्हामु गाउँपालिकामा आगलागी हुँदा एक घर जलेर नष्ट भएको छ । आज दिउँसो भएको आगलागीमा गाउँपालिकाको वडा नम्बर २ का लाक्पा रिन्जी शेर्पाको घर जलेर नष्ट भएको छ ।

मिटर बक्समा विद्युत सर्ट भएर लागेको आगो स्थानियबासी, प्रहरी र सेनाको सहयोगले नियन्त्रणमा लिईएको थियो । स्थानिय स्तरमा जडित अग्नि नियन्त्रण प्रणालीबाट समयमै आगो नियन्त्रण गर्न सफल भएको कारण वरपरका घरहरू आगो सल्किन नपाएको जिल्ला प्रहरी कार्यालय सोलुखुम्बुले जनाएको छ ।

घर भित्र रहेका खाद्यान्न, लत्ताकपडा, नगद जल्दा ५७ लाख बराबरको क्षति भएको प्रहरी निरिक्षक अमर निरौलाले बताए । शेर्पाको घरमा सोताङ गाउँपालिका ४ का लाखमान तामाङको परिवार भाडामा बस्दै आएका थिए ।

The post सोलुखुम्बुको लुक्लामा आगलागी हुँदा एक घर जलेर नष्ट appeared first on .

from http://bit.ly/2FUvR2E